2023 оны 05-р сарын 2-р арав хоногийн ХААЦУ-ийн тойм.

Агаарын температур: Нийт  сумдын  нутгаар  арав   хоногийн   агаарын  дундаж температур 6.2-8.3 градус  дулаан,   агаарын  хамгийн  их  температур 19.2-21.1 градус дулаан,  хамгийн бага  температур 0.5 градус дулаанаас -6.5 градус хүйтэн. Хөрсний дундаж температур  8.2-12.0 градус дулаан,  хамгийн  их  температур  29.8-52.2 градус дулаан,  хамгийн  бага  температур -2.2-8.6 градус  хүйтэн байлаа.

Хур тунадастай өдрийн тоо, тунадасны хэмжээ: Ерөө, Цагааннуур, Зүүнбүрэн, Түшиг,  Баруунбүрэн, Хүдэр, Бугант  сумдын нутгаар  6.0-20.1мм, 3-8 өдөр,  бусад сумдын нутгаар 3.9-5.3мм  тунадас 3-6 өдөр орсон  байна.

Салхитай өдрийн тоо,  хамгийн их хурд: Сүхбаатар, Баянгол,  Ерөө, Орхонтуул, Цагааннуур, Мандал сумдын нутгаар 17-32м/с, 7-9 өдөр, бусад сумдын нутгаар 9-14м/с  буюу 2-5 өдөр  салхитай байлаа. 

Бэлчээрийн  ургамлын үе шат, өндөр, ургалтын байдал: 5-дугаар сарын 20-ны байдлаар  нийт сумдын нутгаар ургамлын ургалт  40  хувьд сайн, 60 хувьд дунд зэрэг, ургамлын дундаж өндөр Сүхбаатар, Орхон, Ерөө, Орхонтуул, Мандал, Зүүнбүрэн сумдын нутгаар 4-5см, бусад сумдын нутгаар 2-3см  байна.

Хөрсний чийгшил: Буудай, төмсний талбайн 0-20см-ийн гүнд,  Мандал  хангалтгүй, Орхон дунд, Орхонтуул, Баянгол, Ерөө, Цагааннуур сумдын нутгаар хангалттай, 0-50см-ийн гүнд Орхон, Мандал сумдын нутгаар дунд, Баянгол, Цагааннуур, Ерөө,  Орхонтуул сумдын нутгаар хангалттай,  0-100см-ийн гүнд Мандал, Орхон, Орхонтуул сумдын нутгаар дунд, Баянгол,  Цагааннуур сумдын нутгаар  хөрсний чийг хангалттай.

Бэлчээрийн талбайн: 0-20см-ийн гүнд Баянгол, Орхон, Ерөө сумдын нутгаар  хангалтгүй, 0-50см-ийн гүнд Орхон, Баянгол, Ерөө сумдын нутгаар хөрсний чийг дунд гэсэн үнэлгээтэй байна.

Бэлчээрийн ургамлын хөнөөлт царцааны ажиглалт: Нийт сумдын нутгаар царцаа ажиглагдаагүй.

Хөдөө аж ахуйн үйлдвэрлэлд: МАА-н үйлдвэрлэлд  малд нэмэгдэл тэжээл өгөх, бог, бод  мал төллөх, ямаа самнах, мал хээлтүүлэх, газар тариаланд төмс, хүнсний ногоо тариалах,  үр суулгах  ажилууд явагдаж  байна.